Home Breaking News / ତାଜା ଖବର ୭ରୁ ରାଜ୍ୟରେ ପ୍ରବଳ ବର୍ଷା

୭ରୁ ରାଜ୍ୟରେ ପ୍ରବଳ ବର୍ଷା

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

ରାଜ୍ୟରେ ଆସନ୍ତା ଜାନୁଆରୀ ୭ ତାରିଖରୁ ଆରମ୍ଭ ହେବ ବର୍ଷା । ସପ୍ତାହେ ଧରି ରାଜ୍ୟରେ ସ୍ବଳ୍ପରୁ ପ୍ରବଳ ବର୍ଷା ହେବାର ସମ୍ଭାବନା ରହିଛି । ସୋଆର ପରିବେଶ ଏବଂ ଜଳବାୟୁ କେନ୍ଦ୍ର (CEC) ପକ୍ଷରୁ ମଙ୍ଗଳବାର ଏ ନେଇ ପୂର୍ବାନୁମାନ କରାଯାଇଛି । ଜାନୁଆରୀ ୭ ତାରିଖରୁ ୧୪ ତାରିଖ ଯାଏଁ ଓଡିଶାରେ ବର୍ଷା ଲାଗିରହିବ । ଜାନୁଆରୀ ୮, ୯ ଏବଂ ୧୩, ୧୪ ତାରିଖରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ହେବ । ସେହିଭଳି ୯ ଏବଂ ୧୪ ତାରିଖରେ ପ୍ରବଳରୁ ଅତି ପ୍ରବଳ ବର୍ଷା ହେବାନେଇ ପୂର୍ବାନୁମାନ କରାଯାଇଛି ।

ପଶ୍ଚିମ ଓଡିଶାରେ ଜାନୁଆରୀ ୯ ଏବଂ ୧୨ ତାରିଖରେ ମଧ୍ୟମରୁ ପ୍ରବଳ ବର୍ଷା ହେବାର ସମ୍ଭାବନା ରହିଛି । ପଶ୍ଚିମାଞ୍ଚଳର ଗୋଟିଏ ଦୁଇଟି ସ୍ଥାନ​‌ରେ ଘଡଘଡି ସହ କାଳବୈଶାଖୀ ମଧ୍ୟ ହେବାର ଆଶଙ୍କା ରହିଛି । ସେହିଭଳି ଉତ୍ତର ଓଡିଶା ଏବଂ ଉପକୂଳ ଓଡିଶାରେ ଜାନୁଆରୀ ୧୦ ଏବଂ ୧୪ ତାରିଖରେ ମଧ୍ୟମରୁ ପ୍ରବଳ ବର୍ଷା ହେବ ।

ଯେହେତୁ ସିଷ୍ଟମ୍‌ ପଶ୍ଚିମରୁ ପୂର୍ବକୁ ଗତି କରିବ, ସେହିପରି ବର୍ଷାର ତୀବ୍ରତା ପଶ୍ଚିମ ଓଡିଶା ଠାରୁ ଉପକୂଳ ବେଲ୍ଟକୁ ବଦଳିଯିବ ବୋଲି ଏଥିରେ କୁହାଯାଇଛି। ଶୀତଦିନେ ଉତ୍ତର-ପଶ୍ଚିମ ଭାରତର ପ୍ରମୁଖ ଗହମ ଉତ୍ପାଦନକାରୀ ରାଜ୍ୟଗୁଡିକରେ ଅନୁଭୂତ ହୋଇଥିବା ପାଣିପାଗ ପୂର୍ବ ଭାରତକୁ କ୍ୱଚିତ୍ ପ୍ରଭାବିତ କରିଥିଲା କିମ୍ବା ତୀବ୍ରତା କମ୍ ଥିଲା । କିନ୍ତୁ ଗତ ବର୍ଷ ଡିସେମ୍ବର ମାସର ଶେଷ ସପ୍ତାହରେ ଓଡିଶା ଏବଂ ପଡୋଶୀ ରାଜ୍ୟରେ ମଧ୍ୟମରୁ ପ୍ରବଳ ବର୍ଷା ହୋଇଥିଲା। ଆସନ୍ତା ସପ୍ତାହରେ ସମାନ ଘଟଣା ଅନୁଭୂତ ହେବାକୁ ଯାଉଛି ବୋଲି ବୁଲେଟିନ୍‌ରେ କୁହାଯାଇଛି।ଏହି ସମୟରେ, ଜାନୁଆରୀ ୫ ରୁ ରାତିର ତାପମାତ୍ରା ବୃଦ୍ଧି ପାଇବ ଏବଂ ଜାନୁୟାରୀ ୧୫ ପର୍ଯ୍ୟନ୍ତ ସ୍ୱାଭାବିକଠାରୁ ୩ ରୁ ୪ ଡିଗ୍ରୀ ସେଲସିୟସ୍ ରହିବ ।

related posts

Leave a Comment