Home Breaking News / ତାଜା ଖବର ମୌଳିକ ସମସ୍ୟା ର ସମାଧାନ ପାଇଁ ପଞ୍ଚାୟତ ରେ ତାଲା ଠୁଙ୍କିଲେ ଭାଜପା ମଣ୍ଡଳ କର୍ମୀ

ମୌଳିକ ସମସ୍ୟା ର ସମାଧାନ ପାଇଁ ପଞ୍ଚାୟତ ରେ ତାଲା ଠୁଙ୍କିଲେ ଭାଜପା ମଣ୍ଡଳ କର୍ମୀ

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

ରାୟଗଡ-୨୪/୧୨-(ଧନେଶ୍ବର ରାଉତ)- ମୌଳିକ ସମସ୍ୟା ନେଇ ପାତର ଅନ୍ତର କରି ଅଣଦେଖା କରିବାକୁ ନେଇ ଆଜି ଭାରତୀୟ ଜନତା ପାର୍ଟି ସିକରପାଇ ମଣ୍ଡଳ ତରଫରୁ ପଂଚାୟତ ଅଫିସରେ ତାଲା ଠୁକିଂ ଧାରଣାରେ ବସିଲେ ଅନେକ କର୍ମୀ। ଆଜକୁ ପ୍ରାୟ ଦୀର୍ଘ ଏକ ବର୍ଷ ହେବ ରାୟଗଡ ଜିଲ୍ଲା କଲ୍ୟାଣ ସିଂପୁର ବ୍ଲକ ଅନ୍ତର୍ଗତ ସିକରପାଇ ପଞ୍ଚାୟତର ବିଭିନ ମୌଳିକ ସମସ୍ୟାର ସମାଧାନ ପାଇଁ ପାର୍ଟି ତରଫରୁ ଏକ ଲିଖିତ ଅଭିଯୋଗ ଦାବୀ ପତ୍ର ମାଧ୍ୟମରେ ପଞ୍ଚାୟତ ଓ ବ୍ଲୋକ କାର୍ଯ୍ୟାଳୟ କୁ ଦିଆଯାଇଥିଲା। ଏନେଇ ସରପଞ୍ଚ ମହୋଦୟା ଅମ୍ବିକା ସାରକଙ୍କୁ ବହୁବାର ସମସ୍ୟାର ସମାଧାନ କରିବାକୁ କୁହାଯାଇଥିଲା କିନ୍ତୁ କର୍ଣ୍ଣପାତ ନ କରି କଥାକୁ ଖାମ ଖିଆଲି ଭାବରେ ନେଇ ଅବହେଳା କରାଯିବାରୁ ଏଭଳି ପଦକ୍ଷେପ ନେବାକୁ ବାଧ୍ୟ ହେଲୁ ବୋଲି ମଣ୍ଡଳ ସଭାପତି ମନୋଜ କୁମାର ସେଠୀ କହିଛନ୍ତି। ମଣ୍ଡଳ ଉପସଭାପତି ଦାଶରୀ କଡ୍ରକା କହିଛନ୍ତି କି ଆମ ୫ ଖଣ୍ଡ ଗାଁ କୁ ବିଜେପି ଗ୍ରାମ କହିକି ସବୁ କ୍ଷେତ୍ରରେ ପାତର ଅନ୍ତର କରିବାକୁ ଚେଷ୍ଟା କରୁଥିବାରୁ ଏଭଳି ଚରମ ପଦକ୍ଷେପ ନେଲୁ ବୋଲି କହିଛନ୍ତି। ମହିଳା ମୋର୍ଚ୍ଚା ସଭାନେତ୍ରୀ ପ୍ରମିଳା ନାୟକ କହିଛନ୍ତି କି ଲଷ୍ମୀ ନଗର ଗ୍ରାମାରେ ଷ୍ଟ୍ରିଟ ଲାଇଟ ନଥିବାରୁ ଲୋକମାନେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ସେହିଭଳି ଆବାସ ଯୋଜନାରେ ଘୋଟଲା, ଗୁହାଳ, ପୋଖରୀ ଖନନ ରେ ଅନିୟମିତତା ହେଇଚି ତେଣୁ ଏ ସବୁର ସମାଧାନ କରିବା ପାଇଁ ବାରମ୍ବାର ଲିଖିତ ଆକାରରେ ଦେବାସୁଧା ସରପଞ୍ଚ କର୍ଣ ପାତ ନ କରିବାରୁ ଦିନ ଏଗାରଟା ସମୟରେ ତାଲା ଠୁଙ୍କି ନାରବାଜି କରିଥିଲେ। ଏନେଇ ଜି ପି ଓ ମାନସ ରଞ୍ଜନ ପ୍ରଧାନ ଙ୍କୁ ପଚାରିବାରୁ ସେ କହିଥିଲେ ସରପଞ୍ଚଙ୍କ ଦେହ ଭଲ ନାହିଁ ମୁଁ ଛୁଟିରେ ଅଛି ବିଡ଼ିଓ ନାହାନ୍ତି ତେଣୁ ଆଗାମୀ ୨୭ ତାରିଖ ଦିନ ବସି ଆଲୋଚନା କରାଯିବ ବୋଲି ଏକ ଲିଖିତ କାଗଜ ଦେବାପରେ ଆନ୍ଦୋଳନ ସୋମବାର ପର୍ଯ୍ୟନ୍ତ ପ୍ରତ୍ୟାହୃତ କରାଯାଇଛି । ଏହି ଆନ୍ଦୋଳନରେ ଯୁବ ମୋର୍ଚ୍ଚା ସଭାପତି ଦିଲୀପ ମିନିୟକା, ଉପ ସଭାପତି ହରି ହିକକା, ପୂର୍ବତନ ସରପଞ୍ଚ ପାର୍ଥି ଚୈତନ ଟିଆକା, ଯୁବ ମୋର୍ଚ୍ଚା ଉପ ସଭାପତି ମକର ନେମାଲପୁରୀ, ବାପୁ ନାୟକ,ଲିଙ୍ଗରାଜ,ସମ୍ପାଦକ ପୂର୍ଣ୍ଣ ପଟେଲ, ଲକୀ କଞ୍ଜକା ଓ ଅନ୍ୟ କର୍ମୀ ମାନେ ଯୋଗ ଦେଇଥିଲେ।

related posts

Leave a Comment