Home Breaking News / ତାଜା ଖବର ୨୮ ଟଙ୍କାର ବାକି ସୁଝିବାକୁ ଆମେରିକାରୁ ଭାରତ ଆସିଲେ ୮୫ ବର୍ଷିୟ ବ୍ୟକ୍ତି, ଜାଣିବାକୁ ପଢନ୍ତୁ ପୁରା ଖବର..

୨୮ ଟଙ୍କାର ବାକି ସୁଝିବାକୁ ଆମେରିକାରୁ ଭାରତ ଆସିଲେ ୮୫ ବର୍ଷିୟ ବ୍ୟକ୍ତି, ଜାଣିବାକୁ ପଢନ୍ତୁ ପୁରା ଖବର..

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

ଆପଣ ମାନେ ସାଧାରଣତଃ ଦୋକାନ ଆଗରେ ଦେଖିବାକୁ ପାଇଥିବେ ଆଜି ନଗଦ କାଲି ବାକି, କିଂବା ବାକି ମାଗି ଲଜ୍ଜିତ ହୁଅନ୍ତୁ ନାହିଁ । ଦୋକାନୀମାନଙ୍କର ଏପରି ଲେଖିବାର ଉଦ୍ଦେଶ୍ୟ ଗ୍ରାହକଙ୍କୁ ସୂଚନା ଦେବାକୁ, କି ଏଠାରେ ବାକିରେ ଜିନିଷ ମିଳେନାହିଁ । ଅର୍ଥାତ୍ ଗ୍ରାହକ ବାକିରେ ଜିନିଷ କିଣିବା ପରେ ବକେୟା ପଇସା ଦେବାକୁ ଅସହମତ ହୁଅନ୍ତି । ହେଲେ ଏମିତି ଏକ ଖବର ଆସିଛି ଯାହା ଆପଣଙ୍କୁ ଚକିତ କରିଦେବ । ବାକି ପଇସା ସୁଝିବାକୁ ଆମେରିକାରୁ ଭାରତ ଆସିଲେ ବ୍ୟକ୍ତି । କେତେ ଟଙ୍କା ବାକି ଥିଲା ଜାଣିଛନ୍ତି, ମାତ୍ର ୨୮ ଟଙ୍କା ।
ଆସନ୍ତୁ ଜାଣିବା ପୁରା କାହାଣୀ । ଜଣେ ପୂର୍ବ ନୈାସେନା କମାଣ୍ଡର ଚାକିରୀରୁ ଅବସର ପରେ ଆମେରିକା ଚାଲି ଯାଇଥିଲେ । ପୁଅ ପାଖରେ ରହୁଥିଲେ । ହେଲେ ଭାରତରେ ତାଙ୍କର ଏକ ଲସି ଦୋକାନରେ ୨୮ ଟଙ୍କାର ବାକି ରହି ଯାଇଥିଲା । ତାଙ୍କର ଯେତେବେଳେ ଏକଥା ମନେ ପଡିଲା , ତାହାକୁ ସେ ସୁଝିବା ପାଇଁ ୬୮ ବର୍ଷ ପରେ ଆମେରିକାରୁ ଆସିଲେ ଭାରତ । ୨୮ ଟଙ୍କା ବଦଳରେ ସେ ଖୁସିରେ ଦୋକାନୀଙ୍କୁ ୧୦ ହଜାର ଟଙ୍କା ଦେଲେ । ଏ ଘଟଣା ହେଉଛି ହରିୟାଣା ରାଜ୍ୟର । ଯାହା ଚାରିଆଡେ ଚର୍ଚାର ବିଷୟ ହୋଇଛି ।
୧୯୫୪ ମସିହାର କଥା । ହରିୟାଣାର ବିଏସ ଉତ୍ପଲ ସେତେବେଳେ ସଂଭଲର ଶମ୍ଭୁ ଦୟାଲ ବଂଶଲଙ୍କ ଦୋକାନରୁ ପ୍ରତିଦିନ ବାକିରେ ଦହି ଲସି ପିଉଥିଲେ । ୧୯୫୪ ମସିହାରେ ତାଙ୍କର ବାକି ଟଙ୍କା ୨୮ ଟଙ୍କା ହୋଇ ଯାଇଥିଲା । ଏହା ପରେ ପରେ ହଠାତ୍ ତାଙ୍କର ନୌସେନାରେ ଚାକିରୀ ଲାଗିଲା । ସେ ସେନାକୁ ଚାଲିଗଲେ । ଆଉ ଚାକିରୀରୁ ଅବସର ପରେ ସିଧା ପୁଅ ପାଖକୁ ଗଲେ ଆମେରିକା । ହେଲେ ଏହି ଶମ୍ଭୁ ଦୟାଲ ବଂସଲଙ୍କ ଦୋକାନର ୨୮ ଟଙ୍କାର ବାକି ସୁଝିବାକୁ ପୁରା ଭୁଲି ଯାଇଥିଲେ । ଏକଥା ତାଙ୍କର ଯେବେ ମନେ ପଡିଲା, ସେ ଆମେରିକାରୁ ଆସିଲେ ହରିୟାଣାର ହିସାର ଜିଲ୍ଲାକୁ । ଶମ୍ଭୁ ବଂସଲଙ୍କ ଦୋକାନରେ ପହଁଚିଲେ , ନିଜର ପୁରୁଣା ୨୮ ଟଙ୍କାର ବାକି କଥା କହି ବିଏସ ଉତ୍ପଲ ୧୦ ହଜାର ଟଙ୍କା ସୁଝିଲେ । ବିଏସ ଉତ୍ପଲ କହିଥିଲେ ମୋତ୍ ବର୍ତମାନ ୮୫ ବର୍ଷ । ୬୮ ବର୍ଷ ତଳେ ମୋତେ ଆପଣଙ୍କ ଦୋକାନରେ ୨୮ ଟଙ୍କାର ବାକି ସୁଝିବାର ଥିଲା । ଆପଣ କୃପା କରି ଏହି ରାଶିକୁ ଗ୍ରହଣ କରି ମୋତେ ଋଣ ମୁକ୍ତ କରନ୍ତୁ । ଏହି ଅବସରରେ ସେତେବେଳେ ବିଏସ ଉତ୍ପଲ ପଢୁଥିବା ହଜିରରାମ ହାଇସ୍କୁଲକୁ ମଧ୍ୟ ବୁଲି ଯାଇଥିଲେ ।

ସାଧାରଣରେ ବ୍ୟବସାୟୀ ବାକି ଦେବା ପରେ ଏହାକୁ ଆଦାୟ କରିବାକୁ ବେଳେବେଳେ ନୟାନ୍ତ ହୋଇଥାନ୍ତି । କିନ୍ତୁ ୨୮ ଟଙ୍କାର ବାକି ସୁଝିବାକୁ ଜଣେ ବ୍ୟକ୍ତି ସୁଦୂର ଆମେରିକାରୁ ହରିୟାଣାର ହିସାର ଆସିବା କିଛି କମ୍ କଥା ନୁହଁ । ବିଏସ ଉତ୍ପଲ ଏତିକି କୁହନ୍ତି, ଯେତେବେଳେ ତାଙ୍କ ପାଖରେ କିଛି ଅର୍ଥ ନଥିଲା ବାକିରେ ଭରସା ରଖି ସେ ତାଙ୍କୁ ଲସି ଦେଉଥିଲେ । ହେଲେ ଦୁର୍ଭାଗ୍ୟବଶତଃ ଏହି ୨୮ ଟଙ୍କାକୁ ସୁଝିବାକୁ ତାଙ୍କୁ ଆଉ ମୌକା ମିଳିନଥିଲା । ୬୮ ବର୍ଷ ପରେ ହଠାତ୍ ଯେତେବେଳେ ତାଙ୍କର ଏକଥା ମନେପଡିଲା, ସେ ଆଉ ବିଳମ୍ୱ ନକରି ସିଧା ହରିୟାଣାର ହିସାର ଚାଲି ଆସିଲେ ।

related posts

Leave a Comment