ଗଭୀର ଦୁଃଖର କଥା ଦୀର୍ଘ ଦିନ ଧରି CKD ରେ ପୀଡିତ ଥିବା ଦଶରାଜ୍ୟ ଗୋପାଳ ସମାଜର ସଭାପତି ଫୁଲପଡାର ସ୍ବର୍ଗତ ଗଣେଶ୍ୱର ବେହେରାଙ୍କ ଜ୍ୟୋଷ୍ଠ ପୁତ୍ର ଶଙ୍କର୍ଷଣ ବେହେରା ଭୁବନେଶ୍ୱର ହସ୍ପିଟାଲରେ ପରଲୋକ ହୋଇଯାଇଛି । ତାଙ୍କର ବିୟୋଗରେ କେବଳ ନରସିଂହପୁର ଅଞ୍ଚଳ ରେ ନୁହେଁ ଦଶ ଗଡଜାତ ଗୋପାଳ ସମାଜରେ ଶୋକର ଛାୟା ଖେଳିଯାଇଛି ।
ତାଙ୍କ ଫୁଲପଡା ପୈତୃକ ବାସ ଭବନ କୁ ମରଶରୀର କୁ ଅଣାଯାଇ କ୍ରିୟା କର୍ମ ସମ୍ପନ୍ନ କରାଯାଇଛି । ବଡମ୍ବା ବିଧାୟକ ଦେବୀପ୍ରସାଦ ମିଶ୍ର ଶବଧାରରେ ଶ୍ରଦ୍ଧାଞ୍ଜଳି ଅର୍ପଣ କରି ଶେଷ ସମ୍ମାନ ପ୍ରଦର୍ଶନ କରିଥିଲେ । ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷ, ସ୍ଥାନୀୟ ସରପଞ୍ଚ, ବଡ଼ମ୍ବା, ନରସିଂହପୁର ଗୋପାଳ ସମାଜ କର୍ମକର୍ତ୍ତା ଗ୍ରାମବାସୀ ଉପସ୍ଥିତ ଥିଲେ । ତାଙ୍କ ପୁତ୍ର, ଭ୍ରାତା, ବିଷ୍ଣୁ , ବୀର, ପ୍ରତାପ ପରିବାର ବର୍ଗ ଙ୍କୁ ସମବେଦନା ଜଣାଇଥିଲେ ଶ୍ରୀ ମିଶ୍ର । ଶଙ୍କର ବାବୁ ଜଣେ ଶିକ୍ଷକ ହିସାବରେ, ଅମାୟିକ ଭଦ୍ରବ୍ୟକ୍ତି ହିସାବରେ ଗୋପାଳ ସମାଜର ନେତା ହିସାବରେ ଜଣାଶୁଣା ବ୍ୟକ୍ତିତ୍ୱ ଥିଲେ । ତାଙ୍କ ପିତା ବିଧାୟକ ଶ୍ରୀ ମିଶ୍ର ଙ୍କୁ ଭଲ ପାଉଥିଲେ ଓ ସହଯୋଗ କରୁଥିଲେ । ତାଙ୍କ ପିତା ଶ୍ରୀ ମିଶ୍ର ଙ୍କ ପିତାଙ୍କ ଭଲ ବନ୍ଧୁ ଥିଲେ । ତାଙ୍କ ଆତ୍ମାର ସଦଗତି ପାଇଁ ପରମାତ୍ମାଙ୍କୁ ପ୍ରାର୍ଥନା କରିଛନ୍ତି ଶ୍ରୀ ମିଶ୍ର |
