କଂଗ୍ରେସ ଛାଡିବେ କ୍ୟାପଟେନ ଅମରିନ୍ଦର ସିଂ, ଜାଣନ୍ତୁ କେବେ ମିଶିବେ ବିଜେପିରେ?

ଦିଲ୍ଲୀ ଗସ୍ତରେ ଥାଇ ପଂଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହ ଦେଇଛନ୍ତି ବଡ ସୂଚନା । ସେ ଆଉ କଂଗ୍ରେସରେ ନାହାନ୍ତି । ଖୁବଶୀଘ୍ର କଂଗ୍ରେସ ଛାଡିବାକୁ ଯାଉଛନ୍ତି । ପଂଜାବରେ କଂଗ୍ରେସର ବଡ ଚେହେରା କୁହାଯାଉଥିବା କ୍ୟାପଟେନ ଅମରିନ୍ଦର ସିଂହ ଆଉ କଂଗ୍ରେସ ସହିତ ଆଗକୁ ଯିବାର ପ୍ରଶ୍ନ ଉଠୁନାହିଁ ବୋଲି ସ୍ପଷ୍ଟ କରିଦେଇଛନ୍ତି । ଗତ ସେପ୍ଟେମ୍ୱର ୧୮ ତାରିଖରେ କ୍ୟାପଟେନଙ୍କୁ କଂଗ୍ରେସ ଅପମାନଜନକ ଅବସ୍ଥାରେ ମୁଖ୍ୟମନ୍ତ୍ରୀ ପଦରୁ ହଟାଇ ଦେଇ ବିଦ୍ରୋହୀ ନେତା ଚରଣଜିତ ସିଂହ ଚନ୍ନୀଙ୍କୁ ଗାଦିରେ ବସାଇଥିଲା । ୫ ଦଶନ୍ଧୀ ଧରି କଂଗ୍ରେସରେ ରାଜନୈତିକ ଯାତ୍ରା କରିଥିବା କ୍ୟାପଟେନ ଦୁଇ ଥର ମୁଖ୍ୟମନ୍ତ୍ରୀ ରହି ସାରିଛନ୍ତି । ତେବେ ଏଥର ଦିଲ୍ଲୀ ଦରବାର ତାଙ୍କୁ ଯେପରି ଅନ୍ଧାରରେ ରଖି ସିଦ୍ଧୁଙ୍କ କଥାରେ ପରିଚାଳିତ ହେଲେ, ସେ କଂଗ୍ରେସ ଛାଡି ଅନ୍ୟ ଚିନ୍ତା କରୁଛନ୍ତି । ଦିଲ୍ଲୀରେ ବିଜେପି ଶୀର୍ଷ ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ ସାହାଙ୍କ ସହିତ ସାକ୍ଷାତ ପରେ କ୍ୟାପଟେନଙ୍କ ଠାରୁ ଏପରି ଇସାରା ଆସିଛି ।