Home Breaking News / ତାଜା ଖବର କ୍ୟାନସରରେ ପୀଡିତ ହୋଇ ଜୀବନ ପାଇଁ ଛଟପଟ ହେଉଛନ୍ତି ଲଳିତ, ସ୍ୱାମୀକୁ ନୂଆ ଜୀବନ ଦେବାକୁ ଭିକ ମାଗିଲା ପତ୍ନୀ

କ୍ୟାନସରରେ ପୀଡିତ ହୋଇ ଜୀବନ ପାଇଁ ଛଟପଟ ହେଉଛନ୍ତି ଲଳିତ, ସ୍ୱାମୀକୁ ନୂଆ ଜୀବନ ଦେବାକୁ ଭିକ ମାଗିଲା ପତ୍ନୀ

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

କାମାକ୍ଷାନଗର(ଟୁକୁନ୍ ବିଶ୍ବାଳ): କର୍କଟର କଷ୍ଟ ଆଉ କେତେ ସହିବ ବିଚରା ଲଳିତ । ଯନ୍ତ୍ରଣା ଜୀବନକୁ ଜାରି ଦେଲାଣି । ଏତେ କମ ବୟସରୁ ଏତେ କଷ୍ଟ ମିଳିବ ବୋଲି କଣ ଜାଣିଥିଲା ଲଳିତ । ସେ ତ ଜଣେ ଥିଲେ ଦିନ ମଜୁରୀଆ , ତାର ପିଲା ଙ୍କୁ ପାଠ ପଢେଇ ଭଲ ମଣିଷ କରିବାକୁ ସ୍ୱପ୍ନ ଦେଖୁଥିଲେ । ହେଲେ ମାଉଥ କ୍ୟାନସର ଯେ ହଠାତ ଏମିତି ଦେହରେ ଚରିଯିବ ତାହା ସେ କଳ୍ପନା ବି କରିନଥିଲେ । ଆଉ ଏବେ ମାଉଥକ୍ୟାନ୍ସରରେ ପଡି ରୋଗ ବିଛଣାରେ ଶୋଇଛି ୪୦ ବର୍ଷର ଲଳିତ । କେବେ ଭଲ ହେବ ? କେମିତି ଭଲ ହେବ? କିଏ ଭଲ କରିବ ? କିଛି ଜାଣିନାହାନି ସେ… ଏପଟେ ସ୍ବାମୀର ଚିକିତ୍ସା ପାଇଁ ହାତଯୋଡି ଗୁହାରୀ କରିଛି ସ୍ତ୍ରୀ..

ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ ଗଡପଳାସୁଣି ଗ୍ରାମର ମାଧବ ମୁଦୁଲି ଙ୍କ ସାନ ପୁଅ ଲଳିତ ସେ ଦିନ ମଜୁରି କାମ କରି ପରିବାର ଚଳାଏ । ସେ ତାଙ୍କ ପରିବାରକୁ ଭଲରେ ଚଳେଇବାକୁ ଅନେକ ଆଗ୍ରହ ଥିଲେ ବି ରୋଗ କିନ୍ତୁ ଲଳିତ ଆଶାରୁ ଉଭାଇ ଦେଇଛି । ୩/୪ ମାସ ତଳେ ହଠାତ ଲଳିତ ର ଦେହ ଅସୁସ୍ଥ ହୋଇପଡିଲା । ସ୍ବାମୀର ଅବସ୍ଥା ଦେଖି ବଢିଗଲା ସ୍ତ୍ରୀ ଏବଂ ମାଆଙ୍କ ଚିନ୍ତା । ପ୍ରଥମେ କଟକ , ପରେ ଭୁବନେଶ୍ୱର, ତା ପରେ ଢେଙ୍କାନାଳ ନେବା ପରେ ଲଳିତ କୁ ମାଉଥ କ୍ୟାନସର ହୋଇଥିବା ଜଣାପଡିଥିଲା । ଆଉ ଏ ଘଟଣା ଗରିବ ସ୍ତ୍ରୀ ଏବଂ ମାଆଙ୍କ ପାଦତଳୁ ମାଟି ଖସାଇ ଦେଇଥିଲା ।

ସ୍ବାମୀର ଚିକିତ୍ସା ପାଇଁ ସ୍ତ୍ରୀ ୩ ମାସରେ ପାଖାପାଖି ୧ ଲକ୍ଷ ଟଙ୍କା ରୁ ଅଧିକ ଧାରକରଜ କରିସାରିଲେଣି । ସେପଟେ ଅଧିକ ଚିକିତ୍ସା ପାଇଁ ବଡ଼ ମେଡିକାଲ ନେବାକୁ ଚିନ୍ତା କରୁଥିବା ବେଳେ ଏପଟେ ଅର୍ଥ ସାଜିଛି ବାଧକ । କିନ୍ତୁ ତାଙ୍କୁ କୌଣସି ସରକାରୀ ସରକାରୀ ସହାୟତା ମିଳିଲେ ସେ ଭଲ ହେଇପରନ୍ତେ ।

ସେପଟେ ଲଳିତଙ୍କ ଚିକିତ୍ସା ପାଇଁ ଅଧିକ ଅର୍ଥର ଆବଶ୍ୟକତା ପଡୁଥିବାରୁ ସାହାଯ୍ୟ ମାଗିଛି ପରିବାର । ତେବେ ଆପଣ ଯଦି ଲଳିତଙ୍କୁ ସହାୟତା କରିବାକୁ ଚାହୁୁଁଛନ୍ତି ତାହାଲେ ତାଙ୍କ ସ୍ତ୍ରୀଙ୍କ ଆକାଉଣ୍ଟ ନମ୍ବରରେ ସହାୟତା କରିପାରିବେ । ଲେଖି ରଖୁନ୍ତୁ ନାମ ଗୁରୁବାରି ମୁଦୁଲି । ଆକାଉଣ୍ଟ ନମ୍ବର 34673897400 Ifs ନମ୍ବର SBIN0009841

ଆସନ୍ତୁ ନିଜ ସକ୍ଷମ ଅନୁସାରେ ଲଳିତ କୁ ସାହାଯ୍ୟ କରିବା ଏବଂ ତାକୁ ନୂଆ ଜୀବନ ଦେବା ।

related posts

Leave a Comment