Home Breaking News / ତାଜା ଖବର ଅଲିମ୍ପିକ୍ସର ସୁନା ପୁଅ ନୀରଜ ଚୋପ୍ରାଙ୍କୁ କେନ୍ଦ୍ର କ୍ରୀଡା ବିଭାଗର ସମର୍ଦ୍ଧନା

ଅଲିମ୍ପିକ୍ସର ସୁନା ପୁଅ ନୀରଜ ଚୋପ୍ରାଙ୍କୁ କେନ୍ଦ୍ର କ୍ରୀଡା ବିଭାଗର ସମର୍ଦ୍ଧନା

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

କେନ୍ଦ୍ର କ୍ରୀଡା ମନ୍ତ୍ରାଳୟ ପକ୍ଷରୁ ଦିଲ୍ଲୀର ଅଶୋକା ହୋଟେଲରେ ଅଲିମ୍ପିକ୍ସ ପଦକ ବିଜେତାଙ୍କୁ ସଂବର୍ଧନା ଦିଆଯାଇଛି । ଏହି ଅବସରରେ ଟୋକିଓରେ ଜାଭେଲିନ ଥ୍ରୋରେ ସୁନା ପଦକ ଜିତିଥିବା ନୀରଜ ଚୋପ୍ରାଙ୍କୁ ସଂବର୍ଧନା କରାଯାଇଛି । କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁର, କେନ୍ଦ୍ର କ୍ରୀଡା ରାଷ୍ଟ୍ରମନ୍ତ୍ରୀ ନୀତିଶ ପରମାଣିକ ଏବଂ ପୂର୍ବତନ କେନ୍ଦ୍ର କ୍ରୀଡାମନ୍ତ୍ରୀ କିରଣ ରିଜିଜୁ ପ୍ରମୁଖ ଉପସ୍ଥିତ ରହି ପଦକ ବୀରଙ୍କୁ ସଂବର୍ଧିତ କରିଥିଲେ । ଏହି ଅବସରରେ ଟୋକିଓର ସୁନା ପଦକ ବିଜେତା ନୀରଜ ଚୋପ୍ରା କହିଛନ୍ତି, ରାତି ରାତି, ଦିନ ଦିନର ପରିଶ୍ରମ, ଭୋକ ଶୋଷ ଭୁଲି ପରିଶ୍ରମ କଥା ମନକୁ ଆସିଲା ବେଳକୁ ମୁଁ ଏହି ପଦକ ଦେଖିଦିଏ । ମନକୁ ବଡ ଶାନ୍ତି ମିଳିଥାଏ । ମଧ୍ୟବିତ ପରିବାରରେ ଜନ୍ମ ହୋଇଥିବାରୁ ସଂଘର୍ଷ କଣ ଜାଣିଥିଲେ । ଏହା ତାଙ୍କର ଅଲିମ୍ପିକ୍ସ ସଫଳତାରେ ମଧ୍ୟ ବିଶେଷ ସହାୟକ ହୋଇଥିଲା ବୋଲି କହିଛନ୍ତି ନୀରଜ । ଟୋକିଓ ଅଲିମ୍ପିକ୍ସରୁ ଗୋଟିଏ କଥା ଶିକ୍ଷା ମିଳିଲା, କି ବିରୋଧୀ କିଂବା ପ୍ରତିଦ୍ୱନ୍ଦ୍ୱୀଙ୍କୁ ଭୟ କରନ୍ତୁନି । ନିଜ ପ୍ରଦର୍ଶନ ଦେଇ ଚାଲିଥାନ୍ତୁ, ସଫଳତା ମିଳିବ ।

related posts

Leave a Comment