Home Breaking News ଅଲିମ୍ପିକ୍ସରେ ୧୦୦ ବର୍ଷ ପରେ ଆଥଲେଟିକ୍ସରେ ପଦକ ଜିତିଲା ଭାରତ, ନୀରଜ ଆଣିଲେ ସୁନା

ଅଲିମ୍ପିକ୍ସରେ ୧୦୦ ବର୍ଷ ପରେ ଆଥଲେଟିକ୍ସରେ ପଦକ ଜିତିଲା ଭାରତ, ନୀରଜ ଆଣିଲେ ସୁନା

by Times One Odia
Share with
     
 
 
   

ଟୋକିଓ ଅଲିମ୍ପିକ୍ସ ଶେଷ ଭାଗରେ ଭାରତ ପାଇଁ ଗୋଲ୍ଡ ମେଡାଲ ଜିତି ସମସ୍ତଙ୍କୁ ଚମକାଇ ଦେଇଛନ୍ତି ନିରଜ ଚୋପ୍ରା । ଜାଭେଲିନ ଥ୍ରୋରେ ନିରଜ ଗୋଲ୍ଡ ମେଡାଲ ଜିତିବା ସାରା ଦେଶରେ ଖୁସି ଖେଳାଇ ଦେଇଛି । ନିରଜଙ୍କ ଏପରି ଗୋଲ୍ଡ ମେଡାଲ ଅନେକ ରେକର୍ଡ ସ୍ଥାପନ କରିଛି । ଭାରତ ପାଇଁ ଅଲିମ୍ପିକ୍ସରେ ଏହା ଦ୍ୱିତୀୟ ବ୍ୟକ୍ତିଗତ ଗୋଲ୍ଡ । ୨୦୦୮ ବେଜିଂ ଅଲିମ୍ପିକ୍ସରେ ଅଭିନବ ବିଦ୍ରାଙ୍କ ସୁଟିଂରେ ଜିତିଥିଲେ ଗୋଲ୍ଡ ମେଡାଲ ।
୨୦୨୧ରେ ଟୋକିଓ ଅଲିମ୍ପିକ୍ସରେ ନିରଜ ଚୋପ୍ରା ଆଥଲେଟିକ୍ସରେ ଗୋଲ୍ଡ ଜିତି ଦେଶ ପାଇଁ ଦ୍ୱିତୀୟ ବ୍ୟକ୍ତିଗତ ଗୋଲ୍ଡ ଆଣିଛନ୍ତି । ତେବେ ଏହା ସହିତ ଅଲିମ୍ପିକ୍ସରେ ୧୦୦ ବର୍ଷରେ ପ୍ରଥମ ଥର ପାଇଁ ଆଥଲେଟିକ୍ସରେ ଗୋଲ୍ଡ ମେଡାଲ ଜିତିଛି ଭାରତ । ପୂର୍ବରୁ ଭାରତ ଅଲିମ୍ପିକ୍ସ ଇତିହାସରେ ଆଥଲେଟିକ୍ସରେ ପଦକ ଜିତିନଥିଲା । ୨୦୨୧ ମସିହାରେ ଟୋକିଓ ଅଲିମ୍ପିକ୍ସରେ ନିରଜ ଚୋପ୍ରା ସିଧା ଗୋଲ୍ଡ ମେଡାଲ ଜିତି ନୂଆ କୀର୍ତିମାନ ସ୍ଥାପନ କରିଛନ୍ତି । ୧୯୬୦ ରୋମ୍ ଅଲିମ୍ପିକ୍ସରେ ମିଲଖା ସିଂ , ୧୯୮୪ ଲସଆଂଜେଲସରେ ପିଟି ଉଷା ଆଥଲେଟିକ୍ସରେ ଅଳ୍ପକେ କାଂସ୍ୟ ପଦକ ହାତଛଡା କରିଥିଲେ । ଯେଉଁ ଅବଶୋଷ ଆଜି ଯାଏଁ ରହି ଆସୁଥିଲା । ଭାରତ କେବେ ଟ୍ରାକ୍ ଆଣ୍ଡ ଫିଲଡରୁ ପଦକ ଜିତିବ ବୋଲି ଯେଉଁ ପ୍ରଶ୍ନ ଉଠୁଥିଲା ନିରଜ ଚୋପ୍ରା ସୁନା ପଦକ ଜିତି ଏଥିରେ ପୂର୍ଣ୍ଣଛେଦ ଟାଣିଛନ୍ତି । ନିରଜ ଚୋପ୍ରାଙ୍କ ଏହି ସୁନା ପଦକ ଆଗକୁ ଅନେକ ଯୁବକଙ୍କୁ ଅନୁପ୍ରାଣୀତ କରିବ ।

related posts

Leave a Comment