Home Breaking News ଟୋକିଓ ଅଲିମ୍ପିକ୍ସ- ସେମିରେ ବେଲଜିୟମ ଠାରୁ ହାରିଲା ଭାରତ, ଏବେ କାଂସ୍ୟ ପାଇଁ ଖେଳିବ

ଟୋକିଓ ଅଲିମ୍ପିକ୍ସ- ସେମିରେ ବେଲଜିୟମ ଠାରୁ ହାରିଲା ଭାରତ, ଏବେ କାଂସ୍ୟ ପାଇଁ ଖେଳିବ

by Times One Odia
Share with
     
 
 
   

ଟୋକିଓ ଅଲିମ୍ପିକ୍ସରେ ଭାରତୀୟ ପୁରୁଷ ହକି ଦଳ, ଆଜି ଖେଳାଯାଇଥିବା ପ୍ରଥମ ସେମି ଫାଇନାଲ ମ୍ୟାଚରେ ଶକ୍ତିଶାଳୀ ବେଲଜିୟମ ଠାରୁ ପରାସ୍ତ ହେଲା ସତ କିନ୍ତୁ ଖେଳାଳିଙ୍କ ପ୍ରଦର୍ଶନ ସମସ୍ତଙ୍କ ମନ ଜିଣିନେଇଛି । ଶେଷ କ୍ୱାର୍ଟରକୁ ବାଦ୍ ଦେଲେ ଅନ୍ୟ ତିନୋଟି କ୍ୱାର୍ଟରରେ ଖେଳ ଭାରତ ନିକଟରେ ରହିଥିଲା । ଫଳାଫଳ ଭାରତ ନିଜ ସପକ୍ଷରେ କରିପାରିଥାନ୍ତା । ବେଲଜିୟମର ଡ୍ରାଗ ଫ୍ଲିକରଙ୍କ ହ୍ୟାଟ୍ରିକ୍ ଗୋଲ୍ ଶେଷ ଆଡକୁ ମ୍ୟାଚକୁ ଭାରତ ଠାରୁ ୫-୨ ଗୋଲରେ ପୁରା ଛଡାଇ ନେଇଥିଲା । ଭାରତୀୟ ପୁରୁଷ ହକି ଦଳ ଆଜି ବିଶ୍ବ ଚାମ୍ପିଅନ ବେଲଜିୟମଠାରୁ ହାରି ଫାଇନାଲ ଯାଇପାରିନଥିଲେ ବି ପଦକ ଆଶା ଶେଷ ହୋଇନାହିଁ । କାଂସ୍ୟ ବା ବ୍ରୋଞ୍ଜ୍ ପଦକ ଜିତିବାର ବିକଳ୍ପ ଏବେ ବି ଭାରତ ପାଇଁ ଖୋଲା ରହିଛି । ତେବେ ଏଥିପାଇଁ ଭାରତକୁ ଶକ୍ତିଶାଳୀ ଜର୍ମାନୀକୁ ହରାଇବାକୁ ପଡ଼ିବ ।
ପ୍ରଥମ ସେମିରେ ଭାରତ ବେଲଜିୟମଠାରୁ ୫-୨ରେ ହାରିଯାଇଥିବାବେଳେ ୨ୟ ସେମିରେ ଅଷ୍ଟ୍ରେଲିଆ ଜର୍ମାନୀକୁ ୩-୧ରେ ପରାସ୍ତ କରି ଫାଇନାଲରେ ପ୍ରବେଶ କରିଛି । ଆସନ୍ତା ୫ ତାରିଖରେ ପୁରୁଷ ହକିର ଫାଇନାଲ ଅଷ୍ଟ୍ରେଲିଆ ଓ ବେଲଜିୟମ ମଧ୍ୟରେ ହେବ । ସେହିଦିନ ବ୍ରୋଞ୍ଜ୍ ପଦକ ପାଇଁ ଭାରତ ଓ ଜର୍ମାନୀ ମଧ୍ୟରେ ମୁକାବିଲା ହେବ ।

related posts

Leave a Comment