Home Breaking News / ତାଜା ଖବର ଶ୍ରୀମତୀ ଅବୋଲୀ ସୁନିଲ ନରୱଣେ, (ଭା.ପ୍ର.ସେ) ସୁବର୍ଣ୍ଣପୁର ଜିଲ୍ଲାପାଳ ଭାବେ ଯୋଗଦାନ

ଶ୍ରୀମତୀ ଅବୋଲୀ ସୁନିଲ ନରୱଣେ, (ଭା.ପ୍ର.ସେ) ସୁବର୍ଣ୍ଣପୁର ଜିଲ୍ଲାପାଳ ଭାବେ ଯୋଗଦାନ

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

ସୁବର୍ଣ୍ଣପୁର(ନବ କିଶୋର ମିଶ୍ର): ଆଜି ପୂର୍ବାହ୍ନ ରେ ଶ୍ରୀମତୀ ଅବୋଲୀ ସୁନିଲ ନରୱଣେ,(ଭା.ପ୍ର.ସେ.) ସୁବର୍ଣ୍ଣପୁର ଜିଲ୍ଲପାଳ ଭାବେ ଯୋଗଦାନ କରିଛନ୍ତି l ଶ୍ରୀମତୀ ନରୱଣେ ଏହା ପୂର୍ବରୁ ରାଉରକେଲା ଅତିରିକ୍ତ ଜିଲ୍ଳାପାଳ ଭାବେ ସଫଳତାର ସହ କାର୍ଯ୍ୟ କରି ଜନସାଧାରଣଙ୍କ ଆସ୍ଥା ଭାଜନ ହେବାସହ ସରକାରଙ୍କ ବିଭିନ୍ନ ଜନ କଲ୍ୟାଣ କାର୍ଯ୍ୟକ୍ରମ କୁ ସୁନିଶ୍ଚିତ କରାଇବା ସହିତ ପ୍ରଶାସନ କୁ ସୁବ୍ୟବସ୍ଥିତ କରାଇବାରେ ପ୍ରମୁଖ
ଭୂମିକା ଗ୍ରହଣ କରିଥିଲେ l ସେ ଆଜି କାର୍ଯ୍ୟଭାର ଗ୍ରହଣ କରି ସମସ୍ତଙ୍କ ସହଯୋଗ ରେ ଜିଲ୍ଲାର ସର୍ବାଙ୍ଗୀନ ବିକାଶର ଧାରାକୁ ଆଗେଇ ନେବାକୁ ଆହ୍ୱାନ ଦେଇଛନ୍ତି l ଆଜି କାର୍ଯ୍ୟରେ ଯୋଗଦାନ ପରେ ପରେ ଜିଲ୍ଲାପାଳ ଶ୍ରୀମତୀ ନରୱଣେ ଆଇ ଟି ଆଇ ପରିସରସ୍ଥିତ ଜିଲ୍ଲା କୋଭିଡ ଚିକିତ୍ସାଳୟ, ମାତୃଶିଶୁ ଚିକିତ୍ସାଳୟ,ଜିଲ୍ଲା ମୁଖ୍ୟ ଚିକିତ୍ସାଳୟ ଗସ୍ତ କରି ଜିଲ୍ଲାର ସ୍ୱାସ୍ଥ୍ୟ ଭିତିଭୂମିର ଅନୁଧ୍ୟାନ କରିଥିଲେ l ଏହି ଗସ୍ତ ସମୟରେ ଜିଲ୍ଳା ମୁଖ୍ୟ ଚିକିତ୍ସା ଅଧିକାରୀ ଓ ସ୍ୱାସ୍ଥ୍ୟ ବିଭାଗର ଅଧିକାରୀ ଉପସ୍ଥିତ ଥିଲେ l ଆଜି ଜିଲ୍ଲପାଳ ଙ୍କ ଯୋଗଦାନ ପରେ ଆରକ୍ଷୀ ଅଧୀକ୍ଷକ, ସୁବର୍ଣ୍ଣପୁର ଶ୍ରୀଯୁକ୍ତ ସୀତାରାମ ସତପଥୀ, ଅତିରିକ୍ତ ଜିଲ୍ଲାପାଳ ଶ୍ରୀ ସୂର୍ଯ୍ୟ ନାରାୟଣ ଦାଶ, ଉପଜିଲ୍ଲାପାଳ ସୋନପୁର,ନିହାର ରଞ୍ଜନ କଁହର, ଜିଲ୍ଲା ସ୍ତରୀୟ ବରିଷ୍ଠ ଅଧିକାରୀ ବୃନ୍ଦ, ଜିଲ୍ଲପାଳ ଙ୍କ କାର୍ଯ୍ୟାଳୟର ବିଭିନ୍ନ ବିଭାଗୀୟ ଅଧିକାରୀ, କର୍ମଚାରୀ, ବୁଦ୍ଧିଜୀବି, ସାମ୍ବାଦିକ, ପ୍ରମୁଖ ନୂତନ ଜିଲ୍ଲାପାଳ ଶ୍ରୀମତୀ ନରୱଣେ ଙ୍କୁ ସୌଜନ୍ୟ ମୂଳକ ସାକ୍ଷାତ କରିବା ସହ ପୁଷ୍ପଗୁଚ୍ଛ ପ୍ରଦାନ ପୂର୍ବକ ସ୍ୱାଗତ ଓ ଅଭିନନ୍ଦନ ଜଣାଇଛନ୍ତି l

related posts

1 comment

Deepak Kumar majhi July 1, 2021 - 5:19 pm

👍

Reply

Leave a Comment