ଭାରତକୁ ସହାୟତା ନାଁରେ ଆତଙ୍କୀଙ୍କ ପାଇଁ ବଡ ପରିମାଣର ଅର୍ଥ ଆଦାୟ କରିଛି ପାକ୍ ଚାରିଟି ସଂସ୍ଥା

କରୋନା କାଳରେ ଯେତେଯାହା କଲେ ବି ପାକିସ୍ତାନ ଏହାର ନକରାତ୍ମକ ଚିନ୍ତାଧାରାରୁ ବାହାରକୁ ଆସୁନି । ପାକିସ୍ତାନର ଚାରିଟି ସଂସ୍ଥା କରୋନା କାଳରେ ଭାରତକୁ ସହାୟତା ନାଁରେ ଆଦାୟ କରିଥିଲା ବଡ ପରିମାଣର ଅର୍ଥ । ସୂଚନା ଅନୁସାରେ ଏହି ଅର୍ଥର ପରିମାଣ କୁଆଡେ ୧.୮ କୋଟି ଡଲାର ହେବ । ୨୦୨୧ ଏପ୍ରିଲ ୨୭ ତାରିଖ ସୁଦ୍ଧା ସୋସିଆଲ ମିଡିଆ ଇନଷ୍ଟାଗ୍ରାମରେ ହେଲପଇଣ୍ଡିଆବ୍ରେଥ ନାଁରେ କ୍ୟାମ୍ପେନ କରାଯାଇଥିଲା । ଏଥିରେ ୧.୮ କୋଟି ଡଲାର ଆଦାୟ ଟାର୍ଗେଟ୍ ରଖାଯାଇଥିଲା । ବର୍ତମାନ ଏହି ଅର୍ଥରାଶି ସଂଗ୍ରହ କରୁଥିବା ସଂସ୍ଥା ସହିତ ପାକିସ୍ତାନ ସେନା ସହିତ ଭଲ ସଂପର୍କ ଥିବା କୁହାଯାଉଛି । ଏହି ଚାରିଟି ସଂସ୍ଥାର ଅଫିସ ମଧ୍ୟ ପାକିସ୍ତାନରେ ରହିଛି । କରୋନା କାଳରେ ଭାରତକୁ ସହାୟତା ନାଁରେ ଆଦାୟ ହୋଇଥିବା ଏହି ଅର୍ଥ ଆତଙ୍କବାଦୀଙ୍କ ପାଇଁ ଖର୍ଚ କରାଯିବ ବୋଲି ଜଣାପଡିଛି ।