Home Breaking News / ତାଜା ଖବର ପାକିସ୍ତାନ ସରକାର ଲଂଚ କଲେ କରୋନା ଟିକା ‘ପାକ୍ ଭାକ୍‌’

ପାକିସ୍ତାନ ସରକାର ଲଂଚ କଲେ କରୋନା ଟିକା ‘ପାକ୍ ଭାକ୍‌’

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

କରୋନା ଲଢେଇ ଭିତରେ ସାରା ବିଶ୍ୱ ଖୋଜୁଛି କରୋନା ଟିକା । ଏପରି କଷ୍ଟକର ସମୟରେ ପାକିସ୍ତାନ ତିଆରି କରିଛି ଏହାର କରୋନା ଟିକା । ଏ ସମ୍ପର୍କରେ ପାକିସ୍ତାନ ସରକାର ନିଜେ ଘୋଷଣା କରି ସୂଚନା ଦେଇଛନ୍ତି । ତେବେ ଚୀନ୍ କରୋନା ଟିକାକୁ ବ୍ୟବହାର କରି କରୋନା ମୁକାବିଲା କରୁଥିବା ପାକିସ୍ତାନ ପାଇଁ ଏହି କରୋନା ଟିକା ନିଶ୍ଚୟ ବଡ ଉପଲବ୍ଧିର କଥା । ଚୀନ୍ ସହାୟତାରେ ପାକିସ୍ତାନ ଏହି ଟିକାକୁ ପ୍ରସ୍ତୁତ କରିଥିବା ଜଣାପଡିଛି ।
ପାକ୍ ଭାକ୍ ଭ୍ୟାକସିନକୁ ନେଇ ସନ୍ଦେହ
-କେମିତି ଟିକା ତିଆରି କଲା ପାକିସ୍ତାନ, ଜାରି ହୋଇନି ସୂଚନା
-ଟିକାର ପ୍ରରମ୍ଭିକ ଟ୍ରାଏଲ ସମ୍ପର୍କରେ କୌଣସି ସୂଚନା ନାହିଁ
-କେତେ ଜଣଙ୍କ ଉପରେ ଟିକାର ପ୍ରାରମ୍ଭିକ ଟ୍ରାଏଲ ହୋଇଥିଲା
-ଏହି ଟ୍ରାଏଲ ଗୁଡିକରେ କେତେ ପ୍ରତିଶତ ସଫଳତା ଜଣାପଡିନି
-ଟ୍ରାଏଲ ସମୟରେ ପାଶ୍ୱର୍ ପ୍ରତିକ୍ରିୟା ନେଇ ନୀରବ ପାକ୍ ସରକାର

ଜୁଲାଇ ଶେଷ ସମୟ ବେଳକୁ ବକ୍ରି ଇଦ୍ ସମୟରେ ଏହି ଟିକାକୁ ବ୍ୟବହାର କରି ବିଶାଳ ଟିକାକରଣ ଯୋଜନା ରଖିଛି ପାକିସ୍ତାନ । ପାକିସ୍ତାନର ଜନସଂଖ୍ୟା ୨୨ କୋଟି । ଏହା ମଧ୍ୟରୁ ଚୀନ୍ କରୋନା ଟିକାରେ ମାତ୍ର ୭୦ ଲକ୍ଷ ଲୋକଙ୍କୁ ଟିକାକରଣ କରାଯାଇପାରିଛି । ଚୀନ୍‌, ଆର୍ଥିକ ଦୁର୍ବଳ ରାଷ୍ଟ୍ର ଗୁଡିକ ପାଇଁ ଦିଆଯାଉଥିବା କରୋନା ଟିକା କାର୍ଯ୍ୟକ୍ରମରେ ଏହି ଟିକା ମାଗଣାରେ ପାଇଥିଲା ପାକିସ୍ତାନ । ପାକିସ୍ତାନ ନିଜେ କରୋନା ଟିକା ପ୍ରସ୍ତୁତି ନେଇ ଘୋଷଣା କରିଥିଲେ ସୁଦ୍ଧା, ନିଜ ଦେଶରେ ଏହି ଟିକାକୁ ନେଇ ସନ୍ଦେହ ପ୍ରକାଶ ପାଇଛି ।

related posts

Leave a Comment