Home Breaking News / ତାଜା ଖବର ପାଣିପାଇଁ ଦହଗଞ୍ଜ ହେଉଛନ୍ତି କୋଟଗଡ଼ର ସରୁଗୁଡ଼ା ଓ ପାଡୁଗୁଡା ଗ୍ରାମବାସୀ: ଚୁଆ ପାଣି ଭରସା

ପାଣିପାଇଁ ଦହଗଞ୍ଜ ହେଉଛନ୍ତି କୋଟଗଡ଼ର ସରୁଗୁଡ଼ା ଓ ପାଡୁଗୁଡା ଗ୍ରାମବାସୀ: ଚୁଆ ପାଣି ଭରସା

by Times One Odia
Share with
  •  
  •  
  •  
  •  
  •  
  •  
  •  
  •  
  •  
  •  

ଫୁଲବାଣୀ(ସୁନୀଲ ପଟ୍ଟନାୟକ): ସରକାର ପ୍ରତି ପଞ୍ଚାୟତର ଲୋକଙ୍କ ଘରକୁ ପାଇପ ଯୋଗେ ବିଶୁଦ୍ଧ ପାନୀୟ ଜଳ ଦେବା ପାଇଁ ଯୋଜନା କରିଛନ୍ତି । ହେଲେ କିଛି ସରକାରୀ କର୍ମଚାରୀଙ୍କ ଅବହେଳା ପାଇଁ ଗ୍ରାମାଞ୍ଚଳର ଲୋକେ ଯୋଜନାର ସୁଫଳ ପାଇବାରୁ ବଞ୍ଚିତ ହେଉଥିବା ଅଭିଯୋଗ ହେଉଛି । ପାଣିପାଇଁ ଲୋକଙ୍କୁ ମାଇଲ ମାଇଲ ବାଟଯିବାକୁ ପଡୁଛି | ଅଭିଯୋଗ କଲେ ଶୁଣୁ ନାହାନ୍ତି ଯନ୍ତ୍ରୀ । ସରକାର ଗ୍ରାମାଞ୍ଚଳର ଲୋକଙ୍କୁ ସ୍ଵଛ ପାନୀୟ ଜଳ ଯୋଗାଇବା ପାଇଁ ଅନେକ ଯୋଜନା ମାନ କାର୍ଯ୍ୟକାରି କରୁଛନ୍ତି। ସେହିପରି ପାନୀୟ ଜଳ ସଙ୍କଟ ଦୁର କରିବାପାଇଁ ଅନେକ ସ୍ଥାନରେ ନଳକୁପ ମାନ ମଧ୍ୟ ଖୋଳିଛନ୍ତି । ଲକ୍ଷ ଲକ୍ଷ ଟଙ୍କା ପାଣି ପରି ମଧ୍ୟ ବ୍ୟୟ କରୁଛନ୍ତି ସରକାର । ତେବେ କେଉଁଠି ନଳକୁପ ଗୁଡିକ ଅଚଳ ହୋଇପଡିଛି ତ ଆଉ କେଉଁଠୁ ପାଣି ବାହାରୁନି। ସେହିପରି ବସୂଧା ଯୋଜନାରେ ମଧ୍ୟ ପ୍ରକଳ୍ପମାନ ତିଆରି ହେଉଛି ତାହାବି କାମରେ ଆସୁନି । ଫଳରେ ଖରା ଦିନରେ ଲୋକେ ପାଣି ମୁନ୍ଦାଏ ପାଇଁ ଦହଗଞ ହେଉଛନ୍ତି । ପାଣି ପାଇଁ ମାଇଲ ମାଇଲ ବାଟ ଢୁ ଢୁ ଖରା ତାତିରେ ଯାଇ ଚୁଆ ଓ ନାଳରୁ ପାଣି ଆଣୁଥିବା ଦେଖିବାକୁ ମିଳୁଛି । ଏଭଳି ଅଭିଯୋଗ ଆସିଛି କନ୍ଧମାଳ ଜିଲ୍ଲା କୋଟଗଡ ବ୍ଳକ ଅନ୍ତର୍ଗତ ମାଓ ଇଲାକା ଭାବେ ପରିଚିତ ଶ୍ରୀରାମପୁର ପଞ୍ଚାୟତର ପାଡୁଗୁଡ଼ା ଓ ଓରା ପଞ୍ଚାୟତର ସୁରୁଗୁଡ଼ା ଗ୍ରାମ ରୁ
ଓରା ପଞ୍ଚାୟତରେ ବସୂଧା ଯୋଜନାରେ ପାନୀୟ ଜଳ ପ୍ରକଳ୍ପ ଅଛି ହେଲେ ତାହା ଲୋକଙ୍କ ଆବଶ୍ୟକତାକୁ ପୁରଣ କରିପାରୁନି।
ନଳକୁ ପ ରହିଛି ତାହା କାର୍ଯ୍ୟକ୍ଷମ ହେଉନି ।
ସେହିପରି ଶ୍ରୀରାମପୁର ପ୍ଞ୍ଚାୟତର ପାଡ଼ୁଗୁଡା ଗ୍ରାମରେ ମଧ୍ୟ ପାନୀୟ ଜଳର ସଙ୍କଟ ଦେଖାଦେଇଛି । ଲୋକେ ଚୁଆ ବା ନାଳ ଉପରେ ନିର୍ଭର କରୁଛନ୍ତି ।
ଅଭିଯୋଗ କଲେ ଶୁଣିବାକୁ କିଏ ନାହିଁ।ଏ ଦୁଇ ଗ୍ରାମବାସୀ ପାଣି ପାଇଁ ନାହିଁନଥିବା ଅସୁବିଧାର ସମ୍ମୁଖିନ ହେଉଛନ୍ତି ,ଦୁଷିତ ଜଳ ପିଇ ବିଭିନ୍ନରୋଗରେ ପଡି ମୃତ୍ୟୁବରଣ କରୁଥିବା ଅଭିଯୋଗ କରିଛନ୍ତି ପାଡ଼ୁ ଗୁଡ଼ା ଓ ସରୁଗୁଡା ଗ୍ରାମବାସୀ।

ଫୁଲବାଣୀ ସ୍ଥିତ ଗ୍ରାମ୍ୟ ଜଳଯୋଗାଣ ବିଭାଗ ନିର୍ବାହୀ ଯନ୍ତ୍ରୀ ଇଂସନ୍ତୋଷ କୁମାର କର ଙ୍କୁ ପଚାରିବାରେ ସେ ଏ ନେଇଅଭିଯୋଗ ଆସିଲେ ତଦନ୍ତ କରି ବିହିତ ପଦକ୍ଷେପ ନିଆଯିବ ବୋଲି କହିଛନ୍ତି । ତେବେ ଏ ସବୁ ଗ୍ରାମରେ ପାନୀୟ ଜଳ ସଙ୍କଟ କେବେ ଦୁର ହେବ ତାହା ଦେଖିବାର କଥା।

related posts

Leave a Comment